కృషి విజ్ఞాన కేంద్రంలో రైతులకు కిసాన్ మేళా

మండలంలోని కృషి విజ్ఞాన కేంద్రంలో ఆత్మ, కేవీకే సంయుక్తంగా మెగా కిసాన్ మేళా నిర్వహించారు. ఎల్‌నినో ప్రభావంతో తక్కువ వర్షపాతం ఉన్నందున రైతులు స్వల్ప కాలిక పంటలు వేసుకోవాలని కేవీకే సమన్వయకర్త డాక్టర్ రాఘవేంద్ర చౌదరి సూచించారు. ఈ కార్యక్రమంలో ఆత్మ పీడీ బాలాజీ నాయక్, ఉద్యాన శాఖాధికారి రాజా కృష్ణారెడ్డి, డాక్టర్ సుజాతమ్మతో పాటు పలువురు వ్యవసాయ శాస్త్రవేత్తలు, రైతులు పెద్ద సంఖ్యలో పాల్గొన్నారు.