కెనడా ఉద్యోగాల పేరుతో రూ.4 లక్షల మోసం

కెనడాలో ఉద్యోగాలు ఇప్పిస్తామని నమ్మించి ఐదుగురు యువకుల నుంచి రూ.4 లక్షలు వసూలు చేసిన ఘటనపై ఖమ్మం ఖానాపురం హవేలి పోలీసులు కేసు నమోదు చేశారు. సోమవారం ఈ కేసు నమోదైంది. దానవాయిగూడేనికి చెందిన యువకుడు ఇన్‌స్టాగ్రామ్‌లో ఉద్యోగ ప్రకటన చూసి హరియాణాలోని అంబాలా కన్సల్టెన్సీని సంప్రదించాడు. రెండు విడతల్లో డబ్బులు చెల్లించినా ఉద్యోగాలు కల్పించకపోవడంతో బాధితులు పోలీసులకు ఫిర్యాదు చేశారు.