కన్వర్ యాత్ర ప్రారంభం.. భక్తుల భద్రత కోసం ప్రత్యేక ట్రాకింగ్ యాప్

ఉత్తరప్రదేశ్‌లో కన్వర్ యాత్ర ప్రారంభమైన నేపథ్యంలో ప్రభుత్వం భద్రతా ఏర్పాట్లను కట్టుదిట్టం చేసింది. భక్తుల రక్షణ కోసం ప్రత్యేకంగా ఒక ట్రాకింగ్ యాప్‌ను అందుబాటులోకి తీసుకువచ్చారు. మొదట బరేలీ జోన్‌లో ప్రారంభించిన ఈ యాప్ ద్వారా లైవ్ ట్రాకింగ్, ఎస్‌ఓఎస్ అలర్ట్‌లతో పాటు వైద్య, ఆహార సేవలు పొందవచ్చు. జీరో ఇన్సిడెంట్ లక్ష్యంగా ఏర్పాట్లు చేసినట్లు అధికారులు తెలిపారు.