రష్యా-ఉక్రెయిన్ యుద్ధంలో మృతిచెందిన భారతీయుల కుటుంబాలకు న్యాయం చేయండి

రష్యా-ఉక్రెయిన్ యుద్ధంలో ప్రాణాలు కోల్పోయిన, గాయపడ్డ లేదా గల్లంతైన భారతీయ కుటుంబాలకు తగిన సహాయం అందించాలని కేంద్ర ప్రభుత్వాన్ని సుప్రీంకోర్టు ఆదేశించింది. విదేశీ వ్యవహారాల శాఖ ఆధ్వర్యంలో ఒక నోడల్ అధికారిని నియమించాలని సూచించింది. బాధిత కుటుంబాలకు వివరాలను స్థానిక భాషలో అందజేయాలని, డీఎన్‌ఏ పరీక్షల ద్వారా మృతదేహాలు లేదా అస్థికలను కుటుంబ సభ్యులకు అప్పగించాలని కోర్టు పేర్కొంది.