జోలపాడుతూ తల్లి కునుకు.. నీటి సంపులో పడి చిన్నారి మృతి

నల్గొండ జిల్లా గుర్రంపోడు మండలం కొనాయిగూడెంలో విషాదం చోటుచేసుకుంది. తల్లి నిద్రపోతుండగా పాక్కుంటూ వెళ్లిన 11 నెలల చిన్నారి స్టాలిన్‌ ఇంటి ఆవరణలోని నీటి సంపులో పడి మృతి చెందాడు. శుక్రవారం ఉదయం ఈ ఘటన జరిగింది. కొద్దిసేపటి తర్వాత లేచిన తల్లి చిన్నారి కోసం వెతకగా సంపులో మృతదేహం కనిపించింది. కేసు నమోదు చేసి దర్యాప్తు చేస్తున్నట్లు ఎస్సై వెంకన్న తెలిపారు.