జపాన్‌లో భూకంపం బీభత్సం.. 18 మంది మృతి

జపాన్‌లో 7.1 తీవ్రతతో సంభవించిన భూకంపంలో 18 మంది మృతిచెందగా, 62 మంది గాయపడ్డారని అధికారులు తెలిపారు. క్యుషు దీవిలో అనేక ఇళ్లు కూలిపోగా, కషీమాలోని షాపింగ్‌ మాల్‌ కూలిన ఘటనలో నలుగురు ప్రాణాలు కోల్పోయారు. శిథిలాల కింద పలువురు చిక్కుకున్నారని అధికారులు తెలిపారు. సహాయక చర్యలు కొనసాగుతుండగా, మృతుల సంఖ్య పెరిగే అవకాశం ఉందని పేర్కొన్నారు. వచ్చే రోజుల్లో మరో భారీ భూకంపం సంభవించే ప్రమాదముందని హెచ్చరించారు.