జాతీయ జెండా మన ఆత్మగౌరవానికి ప్రతీక: తహశీల్దార్

జాతీయ జెండా మన ఆత్మ గౌరవానికి ప్రతీక అని దాచేపల్లి తహశీల్దార్ జి. శ్రీనివాస్ యాదవ్ అన్నారు. శనివారం తహశీల్దార్ కార్యాలయంలో జరిగిన 80 వ స్వాతంత్ర్య వేడుకలలో ఆయన జాతీయ జెండాను ఎగురవేశారు. ఎందరో వీరుల త్యాగ ఫలితంగా మనకు స్వాతంత్రం వచ్చిందన్నారు. దేశభక్తి కలిగి ఉండటం, దేశాభివృద్ధికి పాటుపడడం ప్రతి ఒక్కరి బాధ్యతన్నారు. కార్యక్రమంలో రెవెన్యూ సిబ్బంది, అధికారులు, పాఠశాల విద్యార్థులు పాల్గొన్నారు.