ఐటీఆర్-2 ఫైలింగ్ ప్రారంభం

ఆదాయపు పన్ను శాఖ 2026-27 అసెస్‌మెంట్ సంవత్సరానికి గానూ ఆన్‌లైన్ ఐటీఆర్-2 ఫైలింగ్ సదుపాయాన్ని అందుబాటులోకి తెచ్చింది. పెట్టుబడి లాభాలు పొందే వ్యక్తులు, హెచ్‌యూఎఫ్-లు ఈ ఫారమ్‌ను దాఖలు చేయవచ్చు. ఆన్‌లైన్‌తో పాటు ఎక్సెల్ యుటిలిటీ ద్వారా కూడా ఫైలింగ్ చేసుకునే వెసులుబాటు కల్పించింది. ఐటీఆర్-1, ఐటీఆర్-4 ఇప్పటికే అందుబాటులో ఉన్నాయి. సాధారణ పన్ను చెల్లింపుదారులకు జూలై 31 వరకు గడువు ఉండగా, ఆడిటింగ్ అవసరం లేని వారికి ఆగస్టు వరకు అవకాశం కల్పించారు. గడువులోపు రిటర్నులు దాఖలు చేసి జరిమానాలను నివారించాలని పన్ను శాఖ సూచించింది.