ఇంటిగ్రేటెడ్ స్కూల్ తరలించవద్దని వినతి

బిక్కనూర్ కు మంజూరైన యంగ్ ఇండియా ఇంటిగ్రేటెడ్ స్కూల్ను ఇతర ప్రాంతానికి తరలించవద్దని పట్టణ వార్డు సభ్యుడు జ్ఞాన ప్రకాష్రెడ్డి కోరారు. ఈ మేరకు రాష్ట్ర విద్యాశాఖ జాయింట్ డైరెక్టర్ వెంకట నరసమ్మను కలిసి వినతిపత్రం అందజేశారు. విద్యాపరంగా బిక్కనూర్ మండలాన్ని అన్ని రంగాల్లో అభివృద్ధి చేయాలని కోరారు. ప్రభుత్వం రూ.2 కోట్ల వ్యయంతో మంజూరు చేసిన పాఠశాలను కామారెడ్డి మండలానికి తరలించడం సరికాదని పేర్కొన్నారు.