ఇంటర్ కాలేజీల పునఃప్రారంభం వాయిదా

సప్లిమెంటరీ పరీక్షలు జూన్ 5 వరకు కొనసాగుతుండటంతో, జూనియర్ కాలేజీల పునఃప్రారంభాన్ని ఇంటర్ విద్యామండలి వాయిదా వేసింది. పరీక్షా కేంద్రాలు, సిబ్బంది విధుల దృష్ట్యా జూన్ 6న మాత్రమే తరగతులు ప్రారంభమవుతాయని బోర్డు కార్యదర్శి రంజిత్ బాషా తెలిపారు. పరీక్షల నిర్వహణలో ఇబ్బందులు కలగకుండా ఈ నిర్ణయం తీసుకున్నట్లు బోర్డు పేర్కొంది. విద్యార్థులు, సిబ్బంది ఈ మార్పును గమనించాలని సూచించింది.