కమలాపూర్‌లో ఎరువుల దుకాణాల్లో తనిఖీలు

కమలాపూర్‌ మండల కేంద్రంలోని ఎరువుల దుకాణాల్లో సహాయ వ్యవసాయ సంచాలకులు ఆదిరెడ్డి, ఏవో వేణు ఆకస్మిక తనిఖీలు నిర్వహించారు. కాలం చెల్లిన పురుగుల మందులు విక్రయించవద్దని, ఎరువుల కొనుగోలుకు తప్పనిసరిగా రసీదు ఇవ్వాలని సూచించారు. రైతులు ఫార్మర్‌ రిజిస్ట్రేషన్‌ చేసుకోవాలని అధికారులు తెలిపారు. ఎరువులను అధిక ధరలకు విక్రయిస్తే వ్యవసాయ అధికారులకు సమాచారం అందించాలని సూచించారు.