ప్రభుత్వ భూములపై పెరుగుతున్న కబ్జాలు

కుమురంభీం ఆసిఫాబాద్ జిల్లాలో ప్రభుత్వ భూములు, నాలాలపై ఆక్రమణలు పెరుగుతున్నాయనే ఆరోపణలు ఉన్నాయి. కాగజ్‌నగర్‌లో ప్రధాన నాలా కుచించుకుపోగా, ఈజ్‌గాం శివారులో ప్రభుత్వ భూములపై కబ్జాలు కొనసాగుతున్నాయని స్థానికులు అంటున్నారు. తుంగమడుగు గ్రామంలో పశువుల దారినీ ఆక్రమించారని ఆరోపణలు వినిపిస్తున్నాయి. రెవెన్యూ అధికారులు విచారణ చేపట్టి ప్రభుత్వ భూములను పరిరక్షించాలని స్థానికులు కోరుతున్నారు.