పశువుల సంతలతో రూ.3.24 లక్షల ఆదాయం

అనంతపురం వ్యవసాయ మార్కెట్‌ యార్డులో ఈ వారం నిర్వహించిన పశువుల సంతల ద్వారా రూ.3.24 లక్షల ఆదాయం వచ్చినట్లు ఛైర్‌పర్సన్‌ బల్లా పల్లవి తెలిపారు. పొట్టేళ్ల సంత ద్వారా రూ.1.80 లక్షలు, ఆదివారం గేదెలు, ఎద్దుల సంతతో రూ.1.44 లక్షల ఫీజు వసూలైనట్లు పేర్కొన్నారు. ఫీజు వసూళ్లను పూర్తిగా ఆన్‌లైన్‌ విధానంలో చేపడుతున్నట్లు తెలిపారు. రైతులు, పశుపోషకులకు ఎలాంటి ఇబ్బందులు లేకుండా చర్యలు తీసుకుంటున్నామని చెప్పారు.