ఇళ్ల వద్దకే పెన్షన్ దరఖాస్తుల స్వీకరణ

సుల్తానాబాద్ మున్సిపాలిటీలో కొత్త పెన్షన్ల కోసం అర్హులైన నిరుపేదల ఇళ్ల వద్దకే వెళ్లి దరఖాస్తులు స్వీకరిస్తున్నారు. ప్రభుత్వ విప్, పెద్దపల్లి ఎమ్మెల్యే చింతకుంట విజయరమణారావు సూచనలతో 2వ వార్డు కౌన్సిలర్ రాజమల్లయ్య మున్సిపల్ సిబ్బందితో కలిసి ఈ కార్యక్రమం చేపట్టారు. అధికారులే నేరుగా తమ వద్దకు వచ్చి దరఖాస్తులు తీసుకోవడంపై స్థానికులు హర్షం వ్యక్తం చేశారు.