వంగూరు మండలంలో ఆగని ఇసుక అక్రమ రవాణా

నాగర్‌కర్నూల్‌ జిల్లా వంగూరు మండలంలోని ఉల్పర ఇసుక రీచ్‌ నుంచి అక్రమ రవాణా కొనసాగుతున్నట్లు పోలీసులు గుర్తించారు. అనుమతుల పేరుతో నిబంధనలకు విరుద్ధంగా ఇసుక తరలిస్తున్న వాహనాలపై కేసులు నమోదు చేస్తున్నారు. 2026 జనవరి నుంచి జులై 15 వరకు నాలుగు మండలాల పరిధిలో 80 కేసులు నమోదయ్యాయి. అక్రమ రవాణా నియంత్రణకు రాత్రివేళల్లో గస్తీ పెంచినట్లు అధికారులు తెలిపారు.