పెద్దపహాడ్‌లో అక్రమ మద్యం పట్టివేత

జనగాం జిల్లా పెద్దపహాడ్‌లో కిరాణ షాపు ముసుగులో అక్రమంగా విక్రయిస్తున్న రూ.93,790 విలువైన మద్యం సీసాలను టాస్క్‌ఫోర్స్ పోలీసులు స్వాధీనం చేసుకున్నారు. మెరుపు దాడులు నిర్వహించిన పోలీసులు నిందితుడిని అదుపులోకి తీసుకున్నారు. తదుపరి విచారణ నిమిత్తం నిందితుడిని జనగాం పోలీసులకు అప్పగించారు. ఈ దాడుల్లో ఏసీపీ మధుసూదన్, ఇన్‌స్పెక్టర్ సుబ్బారెడ్డి, టాస్క్‌ఫోర్స్ సిబ్బంది పాల్గొన్నారు.