అక్రమ అబార్షన్లు, లింగ నిర్ధారణ పరీక్షల బాగోతం: ఐదుగురి అరెస్ట్!

ఎల్బీనగర్ ఎస్‌వోటీ పోలీసులు నిర్వహించిన రహస్య డెకాయ్ ఆపరేషన్లలో అక్రమ అబార్షన్లు, లింగ నిర్ధారణ పరీక్షల బాగోతం బయటపడింది. నాగోలులో అబార్షన్‌కు రూ.50 వేలు డిమాండ్ చేసిన నకిలీ వైద్యురాలు వీర రేవతి, ఆమెకు సహకరించిన ఫార్మసిస్ట్‌ను పోలీసులు పట్టుకున్నారు. అలాగే వనస్థలిపురం హయగ్రీవ ఆసుపత్రిలో రూ.20 వేలకు లింగ నిర్ధారణ పరీక్షలు చేస్తున్న ఆసుపత్రి డైరెక్టర్ (డాక్టర్)తో పాటు మరో ఇద్దరిని అరెస్ట్ చేశారు.