నాలా ఆక్రమణపై హైడ్రా సీరియస్: భవనాల కూల్చివేతకు రంగనాథ్ హెచ్చరిక

అమీర్‌పేట అగ్నిప్రమాద స్థలాన్ని హైడ్రా కమిషనర్ రంగనాథ్ పరిశీలించారు. కేఎస్ఆర్ భవనం నాలాను ఆక్రమించి నిర్మించినట్లు తేలితే ఖచ్చితంగా కూల్చేస్తామని ఆయన హెచ్చరించారు. ప్రాథమిక విచారణలో ఈ భవనం ఫైర్ సేఫ్టీ నిబంధనలను పాటించలేదని, సరైన సెట్ బ్యాక్ వదలలేదని అధికారులు గుర్తించారు. ప్రమాదానికి గల కారణాలపై దర్యాప్తు కొనసాగుతోంది. నిబంధనలు అతిక్రమించిన వారిపై కఠిన చర్యలు తీసుకుంటామని ఆయన స్పష్టం చేశారు.