నెతన్యాహూకు ‘బీబీ’ అనే పేరు ఎలా వచ్చింది

ఇజ్రాయెల్ ప్రధాని బెంజమిన్ నెతన్యాహూను అందరూ ‘బీబీ’ అని ముద్దుగా పిలుస్తారు. చిన్నతనంలో కుటుంబ సభ్యులు పెట్టిన ఈ పేరు రాజకీయాల్లోనూ స్థిరపడిపోయింది. హీబ్రూ భాషలో పేర్లను ప్రేమగా పలకడానికి అక్షరాలను చిన్నవిగా చేసే సంప్రదాయంలో భాగంగా, బెంజమిన్ పేరు బీబీగా మారింది. వారి కుటుంబ అసలు పేరు ‘మిలీకోవ్స్కీ’. తాత నాథన్ పాలస్తీనాకు వలస వచ్చాక, రచనల కోసం ‘నెతన్యాహూ’ (దేవుడి కానుక) అనే కలం పేరును ఎంచుకున్నారు. కాలక్రమేణా అదే వారి ఇంటిపేరుగా స్థిరపడింది.