హైదరాబాద్‌లో ఘోర ప్రమాదం: కారు నుజ్జునుజ్జు

హైదరాబాద్‌ ఎల్‌బీనగర్‌లో బుధవారం అర్ధరాత్రి ఘోర రోడ్డు ప్రమాదం జరిగింది. డాక్టర్స్‌ కాలనీ వద్ద వేగంగా వచ్చిన కారు, యూటర్న్‌ తీసుకుంటున్న లారీని బలంగా ఢీకొట్టింది. ఈ ప్రమాదంలో కారు పూర్తిగా ధ్వంసమైంది. కారులో ప్రయాణిస్తున్న స్థిరాస్తి వ్యాపారి మధుగౌడ్‌కు తీవ్రగాయాలు కావడంతో ఆయన్ని వెంటనే కామినేని ఆస్పత్రికి తరలించారు. డ్రైవర్ అశోక్ స్వల్ప గాయాలతో బయటపడ్డారు. ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.