పేద విద్యార్థినికి సాయం అందించిన మంత్రి

జర్మనీలో మాస్టర్స్ చేసేందుకు సీటు సాధించిన పేద విద్యార్థిని పరిమళకు మంత్రి కోమటిరెడ్డి వెంకట్‌రెడ్డి రూ.10 లక్షల ఆర్థిక సాయం అందించారు. రోజువారీ కూలీలైన ఆమె కుటుంబ నేపథ్యాన్ని గుర్తించి ఫౌండేషన్ ద్వారా ఈ చేయూతనిచ్చారు. మంత్రి చొరవతో ఉన్నత చదువులకు మార్గం సుగమం కావడంతో పరిమళ ఆయనకు కృతజ్ఞతలు తెలిపారు. పేదరికం చదువుకు అడ్డంకి కాకూడదనే ఉద్దేశంతో ఈ సాయం చేసినట్లు మంత్రి వెల్లడించారు.