బాపట్లలో భారీ వర్షం.. విరిగిపడిన సూచిక బోర్డు

బాపట్లలో సోమవారం సాయంత్రం ఈదురుగాలులతో కూడిన భారీ వర్షం కురిసింది. పట్టణ శివారులో 216ఏ జాతీయ రహదారిపై ఎన్‌హెచ్‌ఏఐకు చెందిన పెద్ద సూచిక బోర్డు విరిగిపడింది. ఆ సమయంలో వాహనాలు రాకపోవడంతో పెను ప్రమాదం తప్పింది. ఘటనతో బైపాస్‌లో ఒక వైపున మాత్రమే వాహనాల రాకపోకలకు అనుమతించారు. పలుచోట్ల చెట్లు విరిగి విద్యుత్‌ తీగలపై పడటంతో సరఫరాకు అంతరాయం ఏర్పడింది.