ఆసియా క్రీడల లక్ష్యంతో జపాన్‌లో శిక్షణకు హర్ష్‌ సింగ్‌ ఆసక్తి

కామన్వెల్త్‌ గేమ్స్‌లో స్వర్ణం గెలిచిన తొలి భారత పురుష జూడోకాగా చరిత్ర సృష్టించిన హర్ష్‌ సింగ్‌, ఆసియా క్రీడల సన్నాహకంగా జపాన్‌ లేదా జార్జియాలో శిక్షణ పొందాలని ఆకాంక్ష వ్యక్తం చేశారు. భారత జూడోకాలు సాంకేతికంగా ఇంకా మెరుగుపడాల్సి ఉందని, ప్రపంచ స్థాయి కోచ్‌ల వద్ద శిక్షణ తీసుకుంటే ఆసియా క్రీడలు, ఒలింపిక్స్‌లో మెరుగైన ఫలితాలు సాధించగలమని హర్ష్‌ తెలిపారు.