హంటా వైరస్ కలకలం: నిధుల లేమితో నిలిచిన వ్యాక్సిన్ ప్రయోగాలు

క్రూజ్ నౌకలో హంటా వైరస్ వ్యాప్తి ప్రపంచాన్ని భయాందోళనకు గురిచేస్తోంది. శ్వాసకోశ వ్యవస్థపై దాడి చేసే ఈ వైరస్‌కు వ్యాక్సిన్ లేకపోవడం ఆందోళన కలిగిస్తోంది. పదేళ్ల క్రితమే దీనికి టీకా రావాల్సి ఉన్నా, నిధుల కొరత వల్ల ఆగిపోయిందని చిలీ శాస్త్రవేత్తలు వెల్లడించారు. 2016లో జంతువులపై జరిపిన యాంటీబాడీ పరీక్షలు సత్ఫలితాలనిచ్చాయని వైరాలజిస్ట్ మరియా జోస్ తెలిపారు. మానవ ప్రయోగాలకు నిధులు అందకపోవడంతో ఈ కీలక పరిశోధన మధ్యలోనే నిలిచిపోయిందని ఆమె ఆవేదన వ్యక్తం చేశారు.