గుండేటి వాగు వద్ద ఇంకా వరదే

గోదావరిలో వరద ఉధృతి క్రమంగా తగ్గుతున్నా కుక్కునూరు మండలం దాచారం గుండేటి వాగు వద్ద వంతెన ఇంకా బయటపడలేదు. దీంతో నాలుగు రోజులుగా ఈ మార్గంలో రాకపోకలు నిలిచిపోయాయి. ప్రజలు నల్లకుంట రహదారి మీదుగా సుమారు 12 కి.మీ. ప్రయాణించి మండల కేంద్రానికి చేరుకుంటున్నారు. మరోవైపు వరద నీటితో రైతుల పంట పొలాలు నీట మునిగాయి. దీంతో పంట నష్టంపై రైతులు తీవ్ర ఆందోళన వ్యక్తం చేస్తున్నారు.