లూలూ మాల్‌లో తుపాకీ కలకలం

హైదరాబాద్ కూకట్‌పల్లిలోని ప్రముఖ లూలూ మాల్ పార్కింగ్ స్థలంలో గన్ ప్రత్యక్షం కావడం తీవ్ర కలకలం రేపింది. అక్కడ రెండు కుటుంబాల మధ్య జరిగిన ఘర్షణను ఆపేందుకు వెళ్లిన పోలీసులకు, ఒక వ్యక్తి జేబులో తుపాకీ కనిపించింది. పోలీసులు ఆ లైసెన్స్డ్ గన్‌ను స్వాధీనం చేసుకున్నారు. అయితే, మాల్‌లోకి తుపాకీని అనుమతించిన భద్రతా లోపాలపై తీవ్ర ఆగ్రహం వ్యక్తం చేసిన కేపీహెచ్‌బీ పోలీసులు లూలూ మాల్ యాజమాన్యంపై కేసు నమోదు చేశారు.