పెళ్లైన 18 రోజులకే నవ వరుడు మృతి

నాగిరెడ్డిపేట మండలం చిన్న ఆత్మకూర్‌లో పెళ్లైన 18 రోజులకే 21 ఏళ్ల నవ వరుడు సంధిల భాను ప్రకాశ్ ఆత్మహత్యకు పాల్పడ్డాడు. గ్రామ శివారులోని పూరిగుడిసెలో ఉరేసుకుని మృతి చెందినట్లు ఎస్సై భార్గవ్ గౌడ్ తెలిపారు. ఈ నెల 7న వివాహం జరగగా, వైవాహిక జీవితం కొనసాగించేందుకు భార్య ఇష్టం లేదని చెప్పడంతో మనస్తాపానికి గురైనట్లు కుటుంబ సభ్యులు తెలిపారు. పోలీసులు కేసు నమోదు చేసి దర్యాప్తు చేస్తున్నారు.