పుట్టగానే మనవరాలు మృతి.. ప్రమాదంలో తాత మృతి

పుట్టిన కొన్ని గంటల్లోనే మనవరాలు మృతి చెందగా, మృతదేహాన్ని చూసేందుకు వస్తున్న తాత రోడ్డు ప్రమాదంలో ప్రాణాలు కోల్పోయారు. ఈ విషాద ఘటన నరసాపురంలో చోటుచేసుకుంది. ముత్యాలపల్లికి చెందిన కొప్పనాతి ఏడుకొండలు (46) గురువారం బైక్‌పై నరసాపురం వస్తుండగా రుస్తుంబాద వద్ద ఆవు అడ్డురావడంతో బైక్ అదుపుతప్పి కిందపడిపోయారు. తీవ్రంగా గాయపడిన ఏడుకొండలను ఆసుపత్రికి తరలించగా, అప్పటికే మృతి చెందినట్లు వైద్యులు తెలిపారు.