అనంతపురంలో వైభవంగా శ్రీనివాస కళ్యాణం

అనంతపురం ఓల్డ్ టౌన్‌లోని చెన్నకేశవ స్వామి ఆలయంలో శ్రీదేవి భూదేవి సమేత వెంకటేశ్వర స్వామి కళ్యాణం కన్నుల పండుగగా జరిగింది. పురుషోత్తమ మాసం మూడవ శుక్రవారం, శ్రావణ నక్షత్రం సందర్భంగా జరిగిన ఈ వేడుకలో బల్లా పల్లవి ముఖ్య అతిథిగా పాల్గొన్నారు. ఉదయం పంచామృత అభిషేకాలతో స్వామివారికి ప్రత్యేక పూజలు నిర్వహించారు. ఈ కార్యక్రమం అత్యంత వైభవంగా సాగిందని నిర్వాహకులు విజయసాయి తెలిపారు. భక్తులు అధిక సంఖ్యలో పాల్గొని స్వామివారిని దర్శించుకున్నారు.