అక్కన్నపేటలో ఘనంగా సైక్లింగ్ పోటీలు

సిద్దిపేట జిల్లా అక్కన్నపేటలో నిర్వహించిన 'ఖేలో ఇండియా అస్మిత' మహిళా సైక్లింగ్ పోటీలను ఏసీపీ సదానందం ప్రారంభించారు. మారుమూల గ్రామీణ ప్రాంతాల్లో ఇలాంటి క్రీడా పోటీలు నిర్వహించడం అభినందనీయమని ఆయన పేర్కొన్నారు. సైక్లింగ్ వల్ల శారీరక ఆరోగ్యం మెరుగుపడటంతో పాటు మానసిక ఉల్లాసం కలుగుతుందని ఏసీపీ తెలిపారు. అండర్-16, 18, 20 విభాగాల్లో జరిగిన ఈ పోటీలకు క్రీడాకారిణుల నుండి విశేష స్పందన లభించింది.