వేద పాఠశాలలో ఘనంగా బోనాల వేడుకలు

కోటగిరి మండల కేంద్రంలోని శ్రీ వేద పాఠశాల ఆధ్వర్యంలో బోనాల పండుగను ఘనంగా నిర్వహించారు. ఉపాధ్యాయులు, విద్యార్థులు బోనం ఎత్తుకుని గ్రామదేవతలకు ప్రత్యేక పూజలు నిర్వహించి మొక్కులు చెల్లించుకున్నారు. పోతరాజుల వేషధారణలో విద్యార్థులు ఆకట్టుకున్నారు. తెలంగాణ సంస్కృతి, సంప్రదాయాలను ప్రతిబింబించేలా నిర్వహించిన ఈ కార్యక్రమంలో పాఠశాల యాజమాన్యం, ఉపాధ్యాయులు, విద్యార్థులు పాల్గొన్నారు.