ఓయూలో గోల్డ్ మెడలిస్టులకు ఇబ్బందులు

ఉస్మానియా యూనివర్సిటీ 85వ స్నాతకోత్సవం సందర్భంగా గోల్డ్ మెడల్ సాధించిన 71 మంది విద్యార్థులకు పాసుల విషయంలో ఇబ్బందులు ఎదురయ్యాయి. ఎగ్జామినేషన్ బ్రాంచ్ అధికారులు ఉదయం 10 నుంచి రాత్రి 7 గంటల వరకు వేచి ఉండేలా చేశారని ఆరోపణలు వచ్చాయి. అరగంటలో పాసులు ఇస్తామని చెప్పి కాలయాపన చేసి, చివరకు మరుసటి రోజు ఉదయం రావాలని పంపించినట్లు సమాచారం. పాసుల కోసం వచ్చిన మీడియా ప్రతినిధులకు కూడా ఇబ్బందులు ఎదురయ్యాయి.