గోదావరి చేనేతకు ప్రత్యేక గుర్తింపు

గోదావరి ప్రాంత చేనేతకు సుదీర్ఘ చరిత్ర, ప్రత్యేక గుర్తింపు ఉంది. తూర్పు గోదావరి ప్రాంతంలోని పులుగుర్త తదితర ప్రాంతాల్లో మల్ఖా కాటన్ వస్త్రాల తయారీ వినూత్న ప్రయోగంగా నిలిచింది. బందర్లంక, పాలకొల్లు, భీమవరం, వీరవాసరం ప్రాంతాలు లంగీలు, తువ్వాళ్లు, కాటన్ వస్త్రాల తయారీ కేంద్రాలుగా పేరుగాంచాయి. తరతరాలుగా మగ్గాలపై ఆధారపడుతున్న కుటుంబాల శ్రమ ఈ ప్రాంతాల చేనేత వారసత్వాన్ని కొనసాగిస్తోంది.