జ్ఞానేశ్వరి అదృశ్యం: సీసీటీవీలో పెంపుడు కుక్క కదలికలు

తూర్పు గోదావరి జిల్లా తునిలో జ్ఞానేశ్వరి అదృశ్యమై 13 రోజులు కావస్తున్నా ఆచూకీ లభించలేదు. తాజాగా కేసులో కీలక మలుపు చోటుచేసుకుంది. చిన్నారి అదృశ్యమైన రోజే ఆ ఇంట్లోని పెంపుడు కుక్క కూడా కనిపించకుండా పోయింది. మధ్యాహ్నం 1:02 గంటలకు ఆలయం వద్ద కుక్క ఆందోళనగా తిరుగుతున్న దృశ్యాలు సీసీటీవీలో నమోదయ్యాయి. దీనిపై పోలీసులు దర్యాప్తు చేస్తున్నారు. ప్రస్తుతం కుక్క పోస్టుమార్టం నివేదిక కోసం అధికారులు వేచి చూస్తున్నారు.