బావిలో దూకిన బాలిక.. రక్షించిన సిబ్బంది

స్నానం చేయమని కుటుంబ సభ్యులు మందలించడంతో మనస్తాపానికి గురైన ఆసిఫాబాద్‌కు చెందిన ఓ ఇంటర్ విద్యార్థిని బావిలో దూకి ఆత్మహత్యాయత్నానికి పాల్పడింది. ఆమె కేకలు విన్న స్థానికులు వెంటనే పోలీసులకు, అగ్నిమాపక సిబ్బందికి సమాచారం అందించారు. సమాచారం అందుకున్న అగ్నిమాపక సిబ్బంది సకాలంలో స్పందించి, తాళ్ల సహాయంతో బావిలోకి దిగి బాలికను సురక్షితంగా బయటకు తీశారు.