భద్రాద్రి కొత్తగూడెం జిల్లాలో 40 కేజీల గంజాయి స్వాధీనం

భద్రాద్రి కొత్తగూడెం జిల్లా రంగపురం వద్ద ఎక్సైజ్ అధికారులు నిర్వహించిన తనిఖీల్లో 40 కేజీల ఎండు గంజాయిని స్వాధీనం చేసుకున్నారు. ఈ ఘటనలో నలుగురు నిందితులను అరెస్ట్ చేయగా, మరొకరు పరారీలో ఉన్నారు. ఒడిశా మల్కన్‌గిరి నుంచి మహారాష్ట్ర, స్థానిక ప్రాంతాలకు వాహనాల్లో అక్రమంగా గంజాయిని తరలిస్తుండగా అధికారులు పట్టుకున్నారు. నిందితుల నుంచి వాహనాలతో పాటు గంజాయిని సీజ్ చేసి దర్యాప్తు చేస్తున్నారు.