గగన్‌యాన్ మెయిన్ పారాచూట్ ఎయిర్‌డ్రాప్ పరీక్ష విజయవంతం

గగన్‌యాన్ ప్రాజెక్టులో భాగంగా ఇస్రో (ISRO) 'ఇంటిగ్రేటెడ్ మెయిన్ పారాచూట్ ఎయిర్‌డ్రాప్ టెస్ట్' (IMAT-05)ను మధ్యప్రదేశ్‌లోని షియోపూర్‌లో విజయవంతంగా నిర్వహించింది. మొదటి మానవరహిత జి1 మిషన్ కోసం మెయిన్ పారాచూట్ సామర్థ్యాన్ని పరీక్షించేందుకు ఈ ప్రయోగం చేపట్టారు. భారత వైమానిక దళానికి చెందిన IL-76 విమానం ద్వారా 2.5 కిలోమీటర్ల ఎత్తు నుంచి పారాచూట్ పనితీరును సమర్థవంతంగా పరీక్షించి, సేఫ్ ల్యాండింగ్‌కు అవసరమైన విశ్వసనీయతను నిర్ధారించారు.