ఇసుక తరలింపుపై మాజీ ఎమ్మెల్యే నిరసన

మాగనూరు పెద్దవాగు నుంచి నిబంధనలకు విరుద్ధంగా ఇసుకను తరలిస్తున్నారని మాజీ ఎమ్మెల్యే చిట్టెం రామ్మోహన్ రెడ్డి ఆందోళన చేపట్టారు. మంత్రి బంధువుల సంస్థ అక్రమంగా టిప్పర్లను నడుపుతోందని ఆరోపిస్తూ వాహనాలను ఆయన అడ్డుకున్నారు. అధికారులు, పోలీసుల అండతోనే ఈ అక్రమాలు జరుగుతున్నాయని మండిపడ్డారు. ప్రభుత్వం వెంటనే స్పందించి చర్యలు తీసుకోవాలని, లేనిపక్షంలో ఆందోళన ఉధృతం చేస్తామని ఆయన హెచ్చరించారు.