ఖాళీ స్థలాల్లో మురుగు కుంటలు.. దోమల బెడద

నిజామాబాద్‌ నగరంలోని ఖాళీ స్థలాలు మురుగు కుంటలుగా మారుతున్నాయి. గంగాస్థాన్‌ బైపాస్‌ వద్ద మురుగు నీరు నిలిచి దోమలు పెరుగుతున్నాయి. డెంగీ హైరిస్క్‌ ప్రాంతాల్లో ప్రజలు ఆందోళన చెందుతున్నారు. నగరంలో 11 వేలకుపైగా ఖాళీ ప్లాట్లు ఉన్నట్లు అధికారులు గుర్తించారు. యజమానులకు నోటీసులు ఇచ్చి శుభ్రం చేయాలని సూచిస్తామని అధికారులు తెలిపారు. స్పందించకుంటే చర్యలు తీసుకుంటామని చెప్పారు.