భూటాన్‌తో ఐదవ అభివృద్ధి సహకార చర్చలు

భూటాన్ రాజధాని థింఫులో భారత్-భూటాన్ ఐదవ అభివృద్ధి సహకార చర్చలు జరిగాయి. భారత విదేశీ కార్యదర్శి విక్రమ్ మిస్రి, భూటాన్ ప్రతినిధి దాషో పెమా లెక్తుప్ దోర్జీ ఈ సమావేశానికి సహ-అధ్యక్షత వహించారు. భూటాన్ 13వ పంచవర్ష ప్రణాళిక కింద భారత్ మద్దతు ఇస్తున్న వివిధ ప్రాజెక్ట్ల అమలును ఇరు దేశాలు సమీక్షించాయి. తమ దేశ సామాజిక-ఆర్థిక అభివృద్ధికి భారత్ అందిస్తున్న నిరంతర సహాయానికి భూటాన్ కృతజ్ఞతలు తెలిపింది.