బేస్తవారిపేటలో ఘోర ప్రమాదం: లారీ డ్రైవర్ మృతి

ప్రకాశం జిల్లా బేస్తవారిపేట మండలం మోక్షగుండం సమీపంలో శుక్రవారం తెల్లవారుజామున రెండు లారీలు ఎదురెదురుగా ఢీకొన్నాయి. ఈ భయంకర ప్రమాదంలో దానమయ్య అనే లారీ డ్రైవర్ అక్కడికక్కడే ప్రాణాలు కోల్పోయారు. మరో లారీ డ్రైవర్ తీవ్రంగా గాయపడటంతో, అతడిని మెరుగైన చికిత్స కోసం నరసరావుపేట ఆసుపత్రికి తరలించారు. పోలీసులు ఘటనా స్థలాన్ని పరిశీలించి కేసు నమోదు చేశారు. దర్యాప్తు కొనసాగుతోంది.