చేయూత పింఛన్ల దరఖాస్తు గడువు పొడిగింపు

కొత్త చేయూత పింఛన్ల దరఖాస్తు గడువును రాష్ట్ర ప్రభుత్వం ఈ నెల 15 వరకు పొడిగించిందని తిర్యాని ఎంపీడీవో నాగేశ్‌ తెలిపారు. కుల, ఆదాయం, సదరం సర్టిఫికెట్లు లేక ఇప్పటివరకు దరఖాస్తు చేసుకోలేని వారు ఈ అవకాశాన్ని వినియోగించుకోవాలని ఆయన కోరారు. అర్హులైన లబ్ధిదారులు గడువులోగా దరఖాస్తు చేసుకోవాలని ఆయన సూచించారు. అవసరమైన పత్రాలను సమర్పించి పింఛన్‌ కోసం దరఖాస్తు చేసుకోవాలని తెలిపారు.