గ్రామీణ ఆర్థిక వ్యవస్థను బలోపేతం చేయడంలో ఉపాధి రంగ మార్పులు కీలకం

స్థిరమైన ఆర్థిక వృద్ధి, ఉపాధి కల్పనకు ప్రభుత్వం, పరిశ్రమలు, కార్మిక సంఘాల మధ్య సమన్వయం ఎంతో అవసరమని కేంద్ర కార్మిక మంత్రి మన్‌సుఖ్ మాండవ్య పేర్కొన్నారు. న్యూఢిల్లీలో జరిగిన 4వ గ్లోబల్ ఇండస్ట్రియల్ రిలేషన్స్ సమ్మిట్‌లో ఆయన ఈ వ్యాఖ్యలు చేశారు. కార్మికుల హక్కులను పరిరక్షించేలా, పారిశ్రామిక వృద్ధికి అనుకూల వాతావరణం కల్పించేలా కొత్త లేబర్ కోడ్స్ తీసుకొచ్చినట్లు తెలిపారు.