ఎల్లపల్లిలో బెల్ట్‌షాప్‌పై పోలీసుల దాడి.. రూ.93 వేల మద్యం స్వాధీనం

నిర్మల్ రూరల్ మండలం ఎల్లపల్లి గ్రామంలో అక్రమంగా విక్రయిస్తున్న మద్యం స్వాధీనం చేసుకున్నట్లు ఎస్సై లింబాద్రి తెలిపారు. గ్రామానికి చెందిన గుండ్ల నవీన్ అనే వ్యక్తి అక్రమంగా మద్యం విక్రయిస్తున్నట్టు సమాచారం మేరకు గురువారం అర్ధరాత్రి పోలీసులు దాడి నిర్వహించారు. ఈ సందర్భంగా బెల్ట్ షాప్ లో అక్రమంగా నిల్వ ఉంచిన రూ. 93 వేల విలువైన మద్యాన్ని స్వాధీనం చేసుకొని కేసు నమోదు చేసినట్టు పేర్కొన్నారు.