ఏపీలో ఒక్కసారిగా మారిన వాతావరణం.. విజయవాడలో భారీ వర్షం

బంగాళాఖాతంలో ఏర్పడిన అల్పపీడనం ప్రభావంతో ఏపీలో వాతావరణం ఒక్కసారిగా మారింది. మధ్యాహ్నం 3 గంటల నుంచి విజయవాడలో ఎడతెరిపి లేకుండా భారీ వర్షం కురుస్తుండటంతో రోడ్లు జలమయమయ్యాయి. ఈ ఏడాదిలో విజయవాడలో కురిసిన వర్షాల్లో ఇదే అత్యధికమని వాతావరణ శాఖ తెలిపింది. మరో నాలుగు రోజుల పాటు రాష్ట్రవ్యాప్తంగా విస్తారంగా వర్షాలు కురిసే అవకాశం ఉంది.