ఇండోనేషియాలో భూకంపం.. 53 మంది మృతి

ఇండోనేషియాలో 7.7 తీవ్రతతో సంభవించిన భూకంపంలో మృతుల సంఖ్య 53కు చేరింది. 130 మందికి పైగా గాయపడగా, రహదారులు దెబ్బతిని కొండచరియలు విరిగిపడ్డాయి. సుమారు 5,000 మందిని అధికారులు సురక్షిత ప్రాంతాలకు తరలించారు. తూర్పు నుసా తెంగారా ప్రావిన్స్‌లోని సిక్కా ప్రాంతం తీవ్రంగా ప్రభావితమైంది. భూకంపం తర్వాత దాదాపు వెయ్యి ప్రకంపనలు నమోదయ్యాయి. సహాయక చర్యలకు 3,500 మందికి పైగా సైనిక, పోలీసు సిబ్బందిని మోహరించారు.