దుబాయ్‌ భారత కాన్సులేట్‌లోకి ఇక నేరుగా నో ఎంట్రీ

దుబాయ్‌లోని భారత కాన్సులేట్ పాస్‌పోర్ట్, వీసా, అటెస్టేషన్ సేవల కోసం వాక్-ఇన్ ప్రవేశాన్ని నిలిపివేసింది. ఇకపై సందర్శకులు కొత్తగా ప్రారంభించిన 'book.passportindiauae.com' పోర్టల్ ద్వారా ముందస్తుగా ఆన్‌లైన్ అపాయింట్‌మెంట్ బుక్ చేసుకోవడం తప్పనిసరి అని అధికారులు స్పష్టం చేశారు. అయితే, అబుదాబిలోని భారత రాయబార కార్యాలయంలో మాత్రం ఉదయం 9 నుంచి 11 గంటల వరకు పరిమిత స్థాయిలో వాక్-ఇన్ సేవలు కొనసాగుతాయి. దరఖాస్తుదారుల సంఖ్య భారీగా పెరగడంతో సేవలను క్రమబద్ధీకరించేందుకు ఈ మార్పులు చేశారు.