మదనపల్లెలో డ్రగ్స్ వ్యతిరేక అవగాహన సదస్సు

అంతర్జాతీయ మాదకద్రవ్యాల వ్యతిరేక దినోత్సవం సందర్భంగా మదనపల్లెలో ఎస్పీ ధీరజ్ ఆధ్వర్యంలో అవగాహన సదస్సు జరిగింది. డ్రగ్స్ సేవించినా లేదా విక్రయించినా కఠిన చర్యలు తీసుకుంటామని, దీనివల్ల ఉపాధి అవకాశాలు, పాస్‌పోర్ట్ సదుపాయాలు కోల్పోయే ప్రమాదం ఉందని ఆయన హెచ్చరించారు. విద్యాసంస్థల వద్ద నిఘా పెంచామని, అనుమానాస్పద కార్యకలాపాలపై 1972 నంబర్‌కు సమాచారం అందించాలని ఎస్పీ సూచించారు. సమాచారం ఇచ్చే వారి వివరాలు గోప్యంగా ఉంటాయని ఆయన స్పష్టం చేశారు.