రష్యా రిఫైనరీపై డ్రోన్‌ దాడి

రష్యాలోని బాష్కోర్టోస్తాన్‌లో ఉన్న గాజ్‌ప్రోమ్‌ నెఫ్తెఖిమ్‌ సలావత్‌ రిఫైనరీపై ఉక్రెయిన్‌ డ్రోన్లతో దాడి చేసింది. సరిహద్దుకు 1,300 కిలోమీటర్ల దూరంలోని ఈ కేంద్రంలో భారీ మంటలు చెలరేగాయి. ఏటా 74 మిలియన్‌ బ్యారెళ్ల చమురును శుద్ధి చేసే ఈ కేంద్రంపై దాడితో రష్యా ఇంధన రంగాన్ని దెబ్బతీయడమే లక్ష్యమని ఉక్రెయిన్‌ పేర్కొంది. మూడు రోజుల్లో ఇది నాలుగో దాడి.