ఆసిఫాబాద్‌లో దొడ్డి కొమురయ్య వర్ధంతి

కొమురం భీమ్ ఆసిఫాబాద్ జిల్లా కలెక్టరేట్‌లో తొలి అమరుడు దొడ్డి కొమురయ్య వర్ధంతిని బీసీ సంక్షేమ శాఖ ఆధ్వర్యంలో శనివారం ఘనంగా నిర్వహించారు. భూమి, భుక్తి, వెట్టిచాకిరి విముక్తి కోసం ఆయన సాగించిన పోరాట స్ఫూర్తిని కొనియాడారు. ఈ సందర్భంగా అధికారులు ఆయన చిత్రపటానికి పూలమాలలు వేసి ఘన నివాళులర్పించారు. కార్యక్రమంలో జిల్లా అడిషనల్ కలెక్టర్, డీఆర్‌వో, జిల్లా గ్రంధాలయ చైర్మన్ అనిల్ తదితరులు పాల్గొన్నారు.